Tashmë aplikantët mund të ndjekin statusin, rezultatet e aplikimit si dhe të njoftohen përmes email-it mbi rezultatin e aplikimit në çdo fazë të procesit. Çdo apllikim i kryer në këtë platformë është publik dhe i aksesueshëm në çdo kohë, për të ndjekur të gjitha fazat e rekrutimit në kohë reale.
Risi që sjell kjo platformë, është që kandidatët kanë të drejtën e ankimimit, e cila kryhet përsëri në këtë platformë, duke krijuar kështu transparencë dhe lehtësi për këdo që kërkon të jetë pjesë e kësaj platforme. Pas shqyrtimit të ankimimit, aplikanti njoftohet me email dhe tek profili i tij i krijuar për përgjigjen e ankimimit të kryer.
Pas shpalljes së vendit vakant në portal procesi vijon me fazën e dorëzimit të dokumentacionit sipas afateve të përcaktuara në udhëzim. Pas aplikimit në portal nga aplikantët për një pozicion vakant, njësia përgjegjëse do të verifikojë dokumentacionin. Në sistem do të duhet të shfaqet lista e aplikantëve dhe dosja e secilit aplikant. Pas verifikimit të dokumentacionit, burimet njerëzore do të shpallin listën paraprake të aplikantëve të cilët vijojnë konkurimin. Gjithashtu aplikantët, të cilët nuk janë kualifikuar do të njoftohen me email. Ky proces do të menaxhohet nga platforma.
Kjo platformë ka treguar se është kryer menaxhimi i burimeve njerëzore në mënyrën më të mire të mundshme, duke krijuar lehtësi dhe profesionalizëm në mënyrën e rekrutimit.