Platforma e krijuar konsiston në digjitalizimin e proçesit të ruajtjes dhe përpunimit të informacionit, me qëllim standartizimin e tij si dhe menaxhimin profesional dhe më efiçent ndaj kërkesave/ankesave drejtuar institucionit të Policisë Bashkiake.
Kjo platformë është ideuar për të qenë gjithëpërfshirëse dhe funksioni kryesor i saj është regjistrimi i ankesave, kërkesave dhe çdo çështje tjetër të ardhur përmes kanaleve të ndryshme të komunikimit që Policia Bashkiake ka vënë në dispozicion.
Kjo platformë ka si qëllim përmirësimin e cilësisë së shërbimit të ofruar duke krijuar kështu një mirëorganizim të punës, rritje të efikasitetit dhe produktivitetit. Në aspektin menaxherial krijimi i këtij sistemi dhe një baze të dhënash të qëndrueshme ka ndikuar pozitivisht në përmirësimin e mbledhjes, përpunimit dhe analizimit të të dhënave, gjë e cila fokuson orientimin e politikave të institucionit në përmirësimin e cilësisë së shërbimit.
Kjo patformë siguron përmirësim të proçesit të menaxhimit dhe arkivimit të kërkesave/ankesave, transparencë në të gjitha hallkat e përfshira si dhe evidentimi i problematikave për t’i adresuar në kohë. Gjithashtu kjo platformë mundëson saktësinë e informacionit dhe aksesimin në çdo kohë të të dhënave, komunikim të shpejtë midis sektorëve të Policisë Bashkiake si dhe monitorim dhe përmirësim i cilësisë së shërbimeve të ofruara.
Platforma mundëson njoftimin me email, për çdo çështje të re dhe për çdo çështje që është në përfundim afati, duke mundësuar kështu realizimin e shërbimit në kohë për qytetarët pa vonesa.