OpenAI, krijuesi i ChatGPT dhe DALL-E, ka prezantuar një mjet të ri quajtur ‘Sora’, i cili mund të krijojë video realiste duke përdorur thjesht tekst, një inovacion i rëndësishëm në fushën e inteligjencës artificiale. Ky mjet është ende në fazën e testimet, por OpenAI ka ndarë disa video dhe detaje rreth krijimit të tyre.Sora është në gjendje të krijojë video me një gjatësi maksimale prej një minute duke mbajtur cilësinë vizuale dhe duke përmbushur kërkesat e përdoruesit, ka thënë OpenAI në faqen e saj zyrtare. Kjo platformë mund të krijojë skena komplekse me fytyra të shumta, lloje të ndryshme lëvizjesh dhe detaje të sakta.

Gjithashtu, Sora ka aftësinë të krijojë video duke përdorur një imazh statik si bazë, si dhe të zgjerojë videot ekzistuese. Megjithatë, është vlerësuar se Sora ende ka disa kufizime, përfshirë sfidat në sintetizimin e fizikës së skenave komplekse dhe kuptimin e shkaqit dhe pasojës në disa raste.OpenAI thekson se janë duke punuar në sigurinë e Sora dhe po bashkëpunojnë me ekspertë në fusha të ndryshme për të identifikuar dhe adresuar çdo potencial rrezik ose pasiguri, duke përfshirë edhe detektimin e përmbajtjes të rreme.

Ky zhvillim vjen pas prezantimit të një veçorie të re memorie për ChatGPT, një tjetër produkt i OpenAI, që lejon chatbotin të mbajë mend informacionin nga bisedat e mëparshme të përdoruesve.

Burimi: Balkan Web