Samsung ka njoftuar një përditësim për robotin e tij personal të ndihmës Ballie, për CES 2024 , i cili përfshin një dizajn të ri, një projektor në bord dhe zotëron aftësi AI.

Kur Samsung zbuloi për herë të parë Ballie në vitin 2020 , pajisja dukej si një top basketbolli, por e reja i ngjan një personazhi nga video-loja ” Among Us” me ngjyrat e saj të ndritshme dhe ekranin katror.

Versioni i ri është krijuar për të qenë një shoqërues, një pajisje argëtuese dhe një qen roje shëtitës me kamerat e tij të përparme dhe të pasme. Ballie mund t’ju ndjekë nëpër shtëpi, të vijë kur thirret dhe madje mund t’ju përshëndesë në derë. Me aftësinë e tij për të kontrolluar pajisjet inteligjente si dritat dhe termostatet, si dhe për t’iu përgjigjur pyetjeve tuaja, është si një Alexa mbi rrota, përveç që ekziston tashmë .

Projektori në bord është një nga aftësitë e tij më interesante, pasi është projektori i parë që “zbulon automatikisht qëndrimin dhe këndin e fytyrës së njerëzve dhe rregullon këndin optimal të projeksionit për ju”. Projektori gjithashtu do të kalibrohet për sipërfaqe të ndryshme përpara se t’ju lejojë të transmetoni nga YouTube dhe burime të tjera.

Ashtu si me shumicën e njoftimeve në CES, çmimi dhe disponueshmëria e Ballie 2024 nuk dihen ende.

▶Burimi: cnet.com