Buletini #30

Ky është buletini i Drejtorisë së Përgjithshme të Teknologjisë së Informacionit, Inovacionit dhe të Dhënave, për muajin MAJ

Gjatë muajit Maj nga stafi i Drejtorisë së të Dhënave është kryer përditësimi në portalin Open Data i të dhënave për:

• Çerdhet, kopshtet dhe institucionet arsimore në Tiranë
• Mbrojtjen e Konsumatorit
• Mbrojtjen nga Zjarri dhe Shpëtimi
• Pastrimin dhe Gjelbërimin

Disa nga gjetjet kryesore të statistikave të publikuara gjatë muajit Maj janë:

• Gjatë vitit shkollor 2020-2021, kanë funksionuar 332 shkolla gjithsej (publike dhe jopublike) prej të cilave: 230 shkolla 9-vjeçare, 91 shkolla të mesme të përgjithshme dhe 11 shkolla të mesme profesionale.
• Gjatë muajit Prill, frekuentimi mesatar në 36 çerdhet publike në Tiranë ka qenë 2,583 fëmijë ndërsa në 43 kopshtet publike 4,466 fëmijë. 
• Rimbursimet në çerdhe janë rritur me 6% krahasuar me muajin paraardhës. Kategoria me numrin më të lartë të rimbursimeve është "Fëmijë/familje egjiptiane" dhe me numrin më të ulët "Fëmijë të vendosur me kujdestari nga familjet kujdestare".
• Rimbursimet në kopshte janë rritur me 3% krahasuar me muajin paraardhës. Kategoria me numrin më të lartë të rimbursimeve është "Fëmijë/familje egjiptiane" dhe me numrin më të ulët "Kujdestarë ligjorë me status jetimi".
• Gjatë muajit Prill 2021 Agjencia e Mbrojtjes së Konsumatorit ka vijuar kontrollet në fushën e transportit. Si rezultat, janë vendosur 141 gjoba gjithsej nga të cilat 126 gjoba për shkeljen e orareve të fillimit dhe mbarimit të shërbimit dhe 15 për shkeljet në sjelljen dhe sigurinë e shërbimit. Për më shumë klikoni në butonin më poshtë.

Sistemi helpdesk është një sistem opensource i cili shërben për menaxhimin dhe efikasitetin e punës së stafit të IT-së. Ky sistem është i lidhur me emailin zyrtar të Bashkisë Tiranë në të cilin çdo punonjës që ka probleme teknike që mund të zgjidhen vetëm nga stafi i IT-së, dërgon email në adresën [email protected].

Ky email shfaqet si “ticket” në sistem me të dhëna mbi punonjësin që dërgon email, çfarë problematike ka, sa është koha që është dashur të zgjidhet ky problem nga stafi dhe personi përgjegjës për zgjidhjen e problemit.

Sistemi është aktiv çdo ditë  të javës prej orës  08:00 deri më 16:00.

Përdorimi i këtij sistemi mundëson zgjidhjen në kohë reale të problematikave dhe mbarëvajtjen e punës për stafin e institucionit.

Drejtoria e Inovacionit vijon me BibliotechTalks, një aktivitet i cili mbledh të rinj të talentuar të Tiranës, për të dhënë shembullin e tyre si inovatorë. Gjatë muajit Maj të ftuar në bibliotekat e qytetit ishin:

• Endri Dine, themelues i platformës e-commerce BALKMALL
• Jimena Lujan, themeluese e platformës MENDJE E QESHUR.
• Eneo Shushari, themelues i platformës e-commerce CHEAP STORE AL
• Kristi Mukollari, përfaqësues i portalit DRITARJA E MUNDËSIVE

Keni nevojë për suportin tonë?

Na kontaktoni në

[email protected]

           Vizitoni në faqen tonë zyrtare: DPTIIDH