DTIK - Buletini Nr.5

Buletini Nr.5 DTIK

Ky është buletini i Drejtorisë së Teknologjisë së Informacionit dhe Komunikimit të cilin ju ftojmë ta lexoni për t'u njohur me veprimtarinë dhe projektet e reja.

Plani i migrimit në paketën LibreOffice

LibreOffice është një grup programesh për krijimin dhe editimin e dokumentave elektronik. Në të përfshihen aplikacione të ndryshme, që e bëjnë atë paketën më të fuqishme me kod burimi të hapur dhe që gjithashtu ofrohet falas. Kjo paketë përfshin:

Writer (përpunim teksti) - ekuivalent i Mc. Word.
Calc (spreadsheet) - ekuivalent i Mc. Excel.
Impress (prezantime) - ekuivalent i Mc. PowerPoint.
Draw (grafik dhe flowcharts) - ekuivalent i Mc. Visio.
Base (databazë) - ekuivalent i Mc. Access.
Math (editim formulash).

Disa arsye pse kemi zgjedhur LibreOffice:

Bazohet mbi standarte: Open Dokument Format (odf) i përdorur nga kjo paketë njihet si stadndard ISO.
Është falas: LibreOffice ofron mjete të cilat në suitat e tjera Office mund të gjenden vetëm në paketat premium.
Ka një version portabël: Mund të bëhet editimi i dokumenteve kudo dhe në çdo kohë, mjafton ta kemi paketën në një paisje Flash Drive.
Ofron mundësinë e eksportimit të fileve në PDF, formatin universal të pranuar gjerësisht të dokumentave.
Është i shpejtë, i lehtë për pajisjet dhe i qëndrueshëm.

Stafi i DTIK ka filluar proçesin e kalimit nga paketa Microsoft Office në paketën LibreOffice, sipas rekomandimeve të The Document Foundation, organizatës që qëndron pas zhvillimit të LibreOffice. Këtu mund të shikoni disa raste migrimi në sektorin publik edhe nga shtete të tjera.

E-Learning Bashkia Tiranë

Kjo platformë do të shërbejë për ndjekjen e kurseve online nga stafi i Bashkisë Tiranë. Ajo vihet në shërbim nga Drejtoria e Trajnimit dhe Zhvillimit, në bashkëpunim me Drejtorinë e Teknologjisë së Informacionit dhe Komunikimit. Ju mund të logoheni me kredencialet me të cilat identifikoheni në kompjuterin tuaj (emër.mbiemër dhe fjalëkalimi). Në momentin që logoheni, shfaqet një dritare e cila ju kërkon: Emër, Mbiemër dhe Adresën e Email. Fushat e tjera janë opsionale megjithëse rekomandohet që t'i plotësoni.

Linku i aksesimit: E-Learning Bashkia Tiranë
Ju do të merrni një email konfirmimi duke klikuar në linkun përkatës në email, përmes së cilit mund të aktivizoni llogarinë tuaj dhe mund të filloni të eksploroni platformën. Kjo platformë ju lejon të regjistroheni në kurse, të hapni diskutime në forume, të shkëmbeni mesazhe me përdorues të tjerë, të shtoni evente në kalendarin tuaj etj.

Thunderbird

Thunderbird është një klient emaili open source (me kod burimi të hapur) i cili ofrohet falas, ka shumë funksionalitete dhe njëkohësisht është shumë i thjeshtë për tu përdorur. Ky aplikacion është zhvilluar, testuar, përkthyer dhe suportohet nga Mozilla Corporation sëbashkua me një grup vullnetarësh të dedikuar. Thunderbird ofron thuajse të gjitha funksionalitet e Microsoft Outlook. Aplikacioni është i përkthyer plotësisht në gjuhën shqipe dhe ju mund ta përdoni në këtë formë.

Disa veçori të Thunderbird

Ju mund ta personalizoni email-in tuaj nëpërmjet:

Menaxhimit të skedarëve të mëdhenj: eleminon kufizimet e shërbimit email për skedarë të mëdhenjë duke i ngarkaur ato në një hapsirë të jashtme.
Pamja e Thunderbird: personalizoni klientin tuaj email sipas preferencave që keni.
Foldera të zgjuar (Smart Folders): Menaxhoni disa llogari email duke kombinuar foldera të veçantë si: Inbox, Sent, ose folderi Arkivës.
Menaxheri i Shtesave (Add-ons) - Për veçori dhe personalizime shtesë, shikoni këtu.

Për të eksploruar plotësisht këtë klient email dhe të gjitha veçoritë që ai ofron, mund të lexoni këtu.

Buletini DTIK 20018
Na gjeni në rrjetet sociale
Na kontaktoni: [email protected]